गुल्मीमा थप दुई जनामा कोरोना सङ्क्रमण भएको पुष्टि भएको छ । प्रादेशिक प्रयोगशाला, रुपन्देहीमा गरिएको परीक्षणमा उनीहरूमा कोरोना सङ्क्रमण पुष्टि भएको जिल्ला स्वास्थ्य कार्यालय, गुल्मीले जनाएको छ ।

दुई जनामध्ये एक जना गाउँपालिका अध्यक्ष रहेको र एक जना भारतबाट आई धुर्कोट गाउँपालिकाको क्वारेन्टाइनमा बसेको कार्यालयले जनाएको छ ।
उनीहरू ३६ र ३७ बर्षका रहेका छन् र उनीहरूको स्वास्थ्य अवस्था सामान्य रहेको स्वास्थ्य कार्यालय, गुल्मीले जनाएको छ । उनीहरूलाई सदरमुकाम तम्घासमा रहेको आइसाेलेसनमा राखेर उपचार गरिने स्वास्थ्य कार्यालयका प्रमुख भवानीप्रसाद शर्माले जानकारी दिए ।