काठमाडौं क्षेत्र नम्बर १ मा एमालेका उम्मेदवार किरण पौडेलले राप्रपाका रवीन्द्र मिश्रलाई ठाउँ छोडिदिन लागेको हल्लाप्रती आपत्ति जनाएका छन् ।  बिहीबार पत्रकार सम्मेलन गरेर निर्वाचन प्रचारको अन्तिम समयमा आफूले राप्रपाका रवीन्द्र मिश्रलाई समर्थन गर्छ भनेर भ्रम फैलाइएको उनले बताए ।

हिजो र आज एकाएक एमालेका किरण पौडेलले राप्रपाका रवीन्द्र मिश्रलाई ठाउँ छोडिदिन लागेको हल्ला फैलियो । यही हल्ला चिर्न भन्दै एमाले उम्मेदवारहरूले आज पत्रकार सम्मेलन गरेका हुन् । 

‘रवीन्द्र मिश्रलाई समर्थन गर्छ भन्ने भ्रम फैलाउने काम भएको छ,’ बिहीबार पत्रकार सम्मेलन गरेर उनले भने, ‘म सदनमा छिरिसकेपछि रवीन्द्र मिश्रजीले सञ्चार नीति कस्तो बनाउने भनेर सहयोग गर्नुहोला । अहिले अरु केही छैन ।’ नयाँ बानेश्वरको एक होटलमा पत्रकार सम्मेलन गरी यसमा भ्रममा नपर्न आग्रह गरे ।