सुदूरपश्चिम प्रदेशका सामाजिक विकास मन्त्री झपटबहादुर साउदबाट असुरक्षा भएको भन्दै जिल्ला प्रहरी कार्यालय कैलालीमा उजुरी परेको छ ।

बझाङको बुंगल नगरपालिका–१ का धनबहादुर बोहराले मन्त्री साँउदले ज्यान मार्ने धम्की दिएको भन्दै सोमबार जिल्ला प्रहरी कार्यालय कैलालीमा उजुरी दिएका हुन् । उनका अनुसार बोहराले साउदलाई विभिन्न मितिमा पैसा दिएको तर फिर्ता माग्दा उल्टै ज्यान मार्ने धम्की दिएको उल्लेख गरेका छन् । तर मन्त्री साउदले लेनदेन पनि नभएको ज्यान मार्ने धम्की पनि नदिएको बताएका छन् । 

कैलाली प्रहरी प्रवक्ता डीएसपी कुलदीप चन्दले यस विषयमा छानबिन हुने बताए ।