मेरो अनलाइन 
काठमाडौं, बैशाख ९ गते मंगलबार । उदयपुर जिल्ला मात्रै कोरोना भाइरस संक्रमितको संख्या बढेर २४ पुगेको छ । उदयपुरमा मंगलवार थप ११ जनामा संक्रमण पुष्टि भएसंगै नेपालमा कोरोना संक्रमितको संख्या ४२ पुगेको छ ।

उदयपुरको त्रियुगा नगरपालिका क्षेत्रका वासिन्दामा कोरोना संक्रमण जाँच गर्दा काठमाडौंको राष्ट्रिय जनस्वास्थ्य प्रयोगशालामा ३ जना र धरानको बीपी कोइराला स्वास्थ्य विज्ञान प्रतिष्ठानमा ८ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयका सह प्रवक्ता डा. समिर कुमार अधिकारीले बताएका छन ।
यसअघि गत शुक्रबार त्रियुगास्थित मस्जिदमा ११ भारतीय र १ नेपालीमा संक्रमण पुष्टि भएको थियो । उनीहरूसँगै बस्दै आएका विराटनगरका ६५ वर्षीय व्यक्तिमा गत शनिबार कोरोना पुष्टि भएको थियो ।