हार्नै हुन्न मान्छे तिम्ले संसार मासिएको छैन
सिंगै विश्व त्रस्त न हो, पूरै भासिएको छैन ।

हावा, पानी, बनजंगलले आफ्नो ठाउँ खोजेकै हो
अस्थित्वको लडाईं सम्झी आफ्नै लय रोजेकै हो
अहंकार, लालच, मोह, स्वार्थ अलि बढेकै हो
मान्छे न हो गल्ती होलान् विकास पनि गरकै हो ।।

प्रकृतिको आफ्नै न्याय सबक मात्रै दिलाएको
भुईं न भाँडा हुँदा मान्छे बराबरमा मिलाएको
सबैलाई जित्छु भन्दा मानवता कम हुनसक्छ
घरमैं बसी संसार पनि त यहि पुस्ताले छुनसक्छ ।।

हरेस खानु हुन्न मान्छे सृष्टि नासिएको छैन
लड्दै उठ्दै गर्छ मान्छे ‘फ्रेम’ मैं टाँसिएको छैन ।