लकडाउन पछि खुलेको शेयरबजार बुधबार पनि सकारात्मक सर्किट लाग्दै १५ मिनेटका लागि बन्द भएको छ । सेयरबजार परिसूचक नेप्से खुलेको १३ मिनेटमा नै ५० अंकले बढेर १३१०.९३ अंकमा पुगेर सर्किट लागेको हो । 

सर्किट लाग्दासम्म ९६ कम्पनीको ६ लाख २० हजार ३ सय ४७ कित्ता शेयर १४ करोड ३९ लाख २० हजार ५ सय ७५ रुपैयामा खरिदविक्री भएको छ । 

शेयर खुलेको पहिलो दिन नकारात्मक सर्किट लागेपनि दोस्रो र तेस्रो दिन भने सकारात्मक सर्किट लाग्दै कारोबार बन्द भएको हो । मंगलबार नेप्से ६ अंकले उकालो लागेर कारोबार बन्द भएको थियो ।