बिहीबार एकै दिन काठमाडौंमा २८ जना कोरोना संक्रमित थपिएका छन् ।

स्वास्थ्य मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले पछिल्लो २४ घण्टामा काठमाडौंमा २८ जना कोरोना संक्रमित थपिएको बताए ।

शिक्षण अस्पतालको प्रयोगशालमा गरिएको परीक्षणमा काठमाडौंका १७ पुरुष, ११ महिलामा कोरोना संक्रमण देखिएको हो । यसअघि बुधबार १० जना र मंगलबार १२ जनामा पनि कोरोना संक्रमण देखिएको स्वास्थ्य मन्त्रालयले जनाएको थियो ।

यस्तै, पछिल्लो २४ घण्टा देशभर थप ४७३ जनामा कोरोना संक्रमण देखिएको छ । प्रवक्ता डा. जागेश्वर गौतमले १०९ महिला र ३६४ जना पुरुष गरी ४७३ जनामा संक्रमण पुष्टि भएको बताए ।