सत्तारूढ दल नेपाल कम्युनिस्ट पार्टी (नेकपा) को बैठक फेरि स्थगित भएको छ । आज बिहान ११ बजे बस्ने भनिएको स्थायी कमिटी बैठक शुक्रबार बिहान ११ बजे बस्ने गरी स्थगित गरिएको हो । 

पार्टीमा देखिएको विवाद समाधानका लागि अध्यक्षद्वय केपी शर्मा ओली र पुष्पकमल दाहाल ‘प्रचण्ड’ बिच अझै छलफल गर्न बाँकी रहेकाले बैठक स्थगित गरिएको बताइएको छ । 

यसअघि बस्ने भनिएको बैठक पनि तयारी नपुगेको भन्दै स्थगित गरिएको थियो । आज पनि पार्टी अध्यक्ष ओली र प्रचण्डबीच पार्टीमा देखिएको विवाद समाधानका लागि छलफल गर्ने बताइएको छ ।