इँटाभट्टामा जिउँदै व्यक्तिलाई जलाएर हत्या गरेको अभियोगमा पुर्पक्षका लागि थुनामा रहेका कांग्रेस नेता अफताब आलमलाई नेपाली कांग्रेसले प्रतिनिधिसभा सदस्यका लागि रौतहटबाट सर्वसम्मत सिफारिस गरेको छ ।

रौतहटको क्षेत्र नम्बर २ को क्षेत्रीय कार्यसमितिले बिहीबार प्रतिनिधिसभा चुनावका लागि आलमको एकल नाम सिफारिस गरेको हो । क्षेत्रीय सभापति शेख फैजुल्लाहका अनुसार आलमको मात्र नाम आएकाले उनको नाम मात्रै सिफारिस गरिएको हो । अब यो नाम क्षेत्रीय समितिले जिल्ला कार्यसमितिमा पठाउनेछ ।

आलममाथि जिउँदै मानिसलाई इँटाभट्टामा हालेको अभियोग छ । सोही अभियोगका कारण अहिले उनी पुर्पक्षका लागि नख्खु कारागारमा छन् ।