राष्ट्रिय स्वतन्त्र पार्टी (रास्वपा) ले आगामी असोजमा दुई दिने राष्ट्रिय भेला आयोजना गर्ने भएको छ । 

काठमाडौंको बनस्थलीस्थित केन्द्रीय कार्यालयमा बसेको सचिवालय बैठकले आउँदो असोज १ र २ गते राष्ट्रिय भेला गर्ने निर्णय भएको रास्वपा कार्यवाहक प्रवक्ता मनिष झाले जानकारी दिए । 

उनका अनुसार, राष्ट्रिय भेलाअघि ७ वटै प्रदेशमा प्रदेश भेला गरिने छ । त्यसपछि हुने राष्ट्रिय भेलामा सभापति रवि लामिछानेको राजनीतिक प्रतिवेदन, विधान संशोधन प्रस्ताव र ‘क्लोज क्याम्पमा छलफल भएका ६ वटा विषय (विचार, संगठन, संसदीय मामिला, अभियान, मूल्य–मान्यता र उम्मेदवार क्लब/लिडरसिप एकेडेमी) मा छलफल हुने छ ।