क्यानडाबाट आयात हुने वस्तुमाथि २५ प्रतिशत कर लगाउने अमेरिकी राष्ट्रपति डोनाल्ड ट्रम्पको निर्णयमा क्यानडाका प्रधानमन्त्री जस्टिन ट्रुडोले जवाफ फर्काएका छन् ।

ट्रुडोले एक्स (ट्विटर) मा लेखेका छन्- क्यानडा यस्तो होस् भन्ने चाहँदैन थियो । तर, कर लगाउने ट्रम्पको घोषणालाई जवाफ दिनका लागि तयार छ । उनले अगाडि लेखेका छन्- अमेरिकाले यो कुराको पुष्टि गरेको छ कि फेब्रुअरी ४ देखि क्यानडाका अधिकांश वस्तुमाथि २५ प्रतिशत र ऊर्जामाथि १० प्रतिशत कर लगाउन चाहन्छ ।

ट्रुडोले यसबारेमा अगाडि लेखेका छन्- मैले यसबारेमा प्रमुख मन्त्री तथा हाम्रो मन्त्रीमण्डलसँग कुराकानी गरेँ । साथै छिटै नै मेक्सिकोका राष्ट्रपतिसँग पनि कुरा गर्नेछु । हामी यस्तो होस् भन्ने चाहँदैन थियौँ । तर, क्यानडा यसका लागि तयार छ ।

ट्रम्पले सामाजिक सञ्जाल ट्रुथ सोसलमा क्यानडा र मेक्सिकोबाट आयात हुने सामग्रीमा २५ प्रतिशत कर लगाउने निर्णयमा हस्ताक्षर गर्नेबारे जानकारी दिएका थिए । त्यस्तै चीनबाट आयात हुने सामग्रीमा १० प्रतिशत कर लगाउने उनले घोषणा गरेका छन् ।