काठमाडौं, बैशाख ३० गते मंगलबार । गृह मन्त्रालयले एक जिल्लाबाट अर्को जिल्ला जान रोक लगाएको छ ।  साथै जारी भएका सबै सवारी पास रद्द गरेको छ ।

मुलुकमा कोरोना (कोभिड–१९) भाइरस संक्रमितको संख्या तिब्र रुपमा बढेसंंगै गृहले यस्तो निर्णय गरेको हो ।

गृह मन्त्रालयका उप–सचिव उमाकान्त अधिकारीका अनुसार  बिहीबारदेखि लागू हुने गरी यो निर्णय गरिएको हो ।

यसअघि सरकारी कर्मचारी, बैंक तथा वित्तीय संस्था, उद्योग, निर्माण सेवालगायत व्यक्तिले कार्यालयको परिचय पत्र देखाएर हिँड्ने गरेका थिए । अब सरकारी कर्मचारीलाई पनि  पास अनिवार्य गरिएको अधिकारीको भनाइ छ ।

सञ्चारकर्मीको हकमा भने सूचना विभागको परिचयपत्रका आधारमा आवतजावत गर्न दिइने गृहले जनाएको छ ।