काठमाडौँ, जेठ ३ गते । पछिल्लो कोरोना परीक्षण रिपाेर्टअनुसार थप ३ जानमा सङ्क्रमण पुष्टि भएको छ ।

 योसँगै नेपालमा सङ्क्रमित संख्या २७६ पुगेको स्वास्थ्य तथा जनसंख्या मन्त्रालयले जानकारी दिएको छ ।

प्रादेशिक जनस्वास्थ्य प्रयाेगशाला, भैरहवामा गरिएकाे परीक्षणमा कपिलवस्तु जिल्ला शिवराज नगरपालिका चन्द्राैटानिवासी २५,३४ र ४४ वर्षीय पुरूष रहेकाे जनाइएकाे छ ।

यसअघि आजै ६ जनामा कोरोना संक्रमण पुष्टि भएको थियो ।

राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा थप ६ जनामा कोरोना संक्रमण पुष्टि भएको हो ।

६ जना संक्रमितमा बर्दिया नार्खु-११ की २८ वर्षीया महिला, सिरहा सखुवा-१९ का ३० वषीय पुरुष, पर्सा वीरगञ्ज-१२ निवासी २८, २९ वर्षीय पुरुष, सर्लाही रामपुर-४ की १८ वर्षीया किशोरी, चितवन गडौली-१ निवासी २५ वर्षीया महिला रहेका छन् ।