काठमाडौं, जेठ ३ गते  सोमबार । नेपालमा सोमबार थप १८ जनामा कोरोना संक्रमण पुष्टि भएको छ ।

राष्ट्रिय जनस्वास्थ्य प्रयोगशाला काठमाडौं, बीपी कोइराला स्वास्थ्य विज्ञान प्रतिष्ठान धरान, भेरी अस्पताल नेपालगञ्ज, कोशी अस्पताल विराटनगरमा गरिएको परीक्षणमा थप १८ जनामा कोरोना संक्रमण पुष्टि भएको हो । 

नयाँ संक्रमितमा बाँके नैनापुर गाउँपालिका निवासी १२ जना पुरुष, धनुषाका २ पुरुष, खोटाङ हलेसी, दैलेख आठबिस, सुनसरी र झापाका १/१ जना रहेका छन् ।

यो सँगै नेपालमा कुल संक्रमितको संख्या ३ सय ७५ पुगेको छ ।