काठमाडौँ, जेठ ६ गते मंगलबार । सरकारले आगामी आर्थिक वर्षका लागि प्रस्तुत गरेको नीति तथा कार्यक्रम बहुमतले पारित भएको छ ।

गत २ जेठमा राष्ट्रपति विद्यादेवी भण्डारीले संसदको संयुक्त बैठकमा प्रस्तुत गरेको नीति तथा कार्यक्रम मंगलबार बसेको प्रतिनिधिसभाबाट पारित भएको हो । नीति तथा कार्यक्रममाथि २ दिन छलफल भएको थियो ।

नीति तथा कार्यक्रममा विभिन्न सांसदले संशोधन प्रस्ताव गर्दा गराएका थिए । नीति तथा कार्यक्रममाथि उठेका प्रश्नको मंगलबार संसदमा प्रधानमन्त्री केपी शर्मा ओलीले जवाफ पनि दिएका थिए । चित्त नबुझेको भन्दै संशोधन प्रस्ताव सांसदहरूले फिर्ता लिएनन् ।

प्रतिनिधिसभाको अर्को बैठक १३ जेठ २०७७ का दिन दिउँसाे १ बजे बस्ने संघीय संसद सचिवालयले जनाएको छ ।